توقعات برج الحمل اليوم الاحد 14 مارس 2021 ماغي فرح
الحمل ♈
مهنياً:بعد تعب امورك افضل تغيرات شخصية واجواء حلوة ومساعدة .. طاقة ايجابية وتحسن بوضعك وعم تطلع من حالتك المتعبة ومن جو الكأيب الي مسيطر عليك عم تبذل جهد وعم تحقق بعض اهدافك وعم تكسب خبرات وتعمل تغييرات بشكل او موضوع بخص سفر او دراسة وتحسن مالي .. علاقاتك بتتحسن ويوم في لقاءات ولمة حلوة وثقة المحيط فيك بترجعلك وبتشوف حدا غالي عليك وقصة بتتعلق بحدا بعيلتك وامورك افضل لشغل وشراكة واتفاق ونجاح ..
عاطفياً:ماكنت مرتاح بعلاقتك بس اليوم عندك فرصة لتحسن وضعك ويكون في اجواء حلوة ورومنسية او لحتى يكون في نوع من تفاهم مع الشريك حاول تتقرب اكتر الحظ بساعدك .. البعض عم تتخلص من حب تعبك كتير لتدخل بحب جديد .. لاعزب امورك افضل وتحسن بوضعك وممكن ارتباط جديد و تطور بعلاقاتك الاجتماعية ..
صحياً:تحسن صحي وراحة نفسية رح تبلش عندك تدريجي خلال الفترة القادمة ..
❤غنيتك❤اليوم:غرامك غير وحبك غير .. حسين الجسمي.
توقعات برج الثور اليوم الاحد 14 مارس 2021 ماغي فرح
الثور ♉
مهنياً:ركز بأمورك وبعد عن ناس سلبية حتى ماتخسر حدا ومابنصحك بشي مهم اليوم لان في تأجيل وتأخير روق هاليومين في خبر ناطرك وشي حلو قريباً .. البعض في حدا مهم عم تتعرف عليه او مؤسسة حكومية او لقاء بشخص عم يتحضر .. في قصص مالية وممكن ناطر شي مالي او اتعاب ..
عاطفياً: عم تكون بحيرة وماعم تعرف شو تعمل ولا شو بدك بيوم صعب تعامل في .. لهيك روق وفكر بحالك احسن ماتروح لطريق مسدود فكر بحالك وبمستقبلك بطريقة تريح فيا قلبك لانو ماحدا بيستاهل .. يومك بحاجة لرواق ولا تتسرع بعلاقتك وقراراتك .. يوم في توتر وبتحس مافي شي ظابط ومانك مرتاح لشريك لا تستسلم وحاول تعرف تتعامل صح ..
صحياً:ريح راسك من تفكير واهتم بصحتك اكتر وكلشي بوقتو حلو ..
❤غنيتك❤اليوم:ما بعرف انا مابعرف .. سعد رمضان
توقعات برج الجوزاء اليوم الاحد 14 مارس 2021 ماغي فرح
الجوزاء ♊
مهنياً:تنقلات وحركة والحظ بساعدك اذا بدك تطلب شي او شي بخص اوراق ودعم المحيط فيك ..علاقات كتيرة عزائم وناس بتحبا عم تعمل زيارات او لقاءات حلوة واصدقاء وبتلاقي دعم والمساندة وممكن عندك سهرة او عزيمة بتكون مميز وصدفة بتجمع البعض بشخص مهم .. وفرصة لتناقش بامور مالية او ليجيك مال ..
عاطفياً:تحسن بوضعك وعلاقات بتتحول لحب وسرية وحميمية بيومك ..عندك شعبية وعلاقات وفرصة ارتباط وتحسن بوضعك .. شوية هدوء ولا تكبر القصص في حكي واتصالات وفي تقارب من الشريك لتصلح الوضع او موضوع كان شاغل العلاقة .. شوية هدوء بتحل مشاكل عندك ولا تبقى لحالك او تبعد عن الشريك الجو مساعد لتصلح بعض الاخطاء .
صحياً:بترتاح صحياً لمهم تتخلص من بعض الاوهام والبعض عندو حساسية وتحسس جلدي ..
❤غنيتك❤اليوم:كل حب دنيا بقلبي ليك .. شيرين
توقعات برج السرطان اليوم الاحد 14 مارس 2021 ماغي فرح
السرطان ♋
مهنياً:هدي بعلاقاتك وانتبه على سمعتك واختبار اما دراسي او لشغل .. عم تشغلك قصة أب او اخ كبير وعم يكون عندك امور قضائية ومسؤوليات ضمن البيت وبشغلك لازم تهدي مع زملاء العمل وتنتبه من تشويه سمعة او من غلط مع مسؤول او مدير وفي حركة للاوراق واتصال بخص شغل وتواصل مع شخصية مشهورة .. روق هاليومين في شعبية عندك ولقاء وكون اجتماعي اكتر ..
عاطفياً:اعجاب وتواصل وشخصية مهمة ولقاء بس بدك تكون هادي وتعرف كيف تتصرف لترتاح .. المرتبط بدي تنتبه بهاليوم من تفاصيل صغيرة تكبر وتسبب توتر بالوضع لان بتحس الشريك عم يتقصد يستفزك وعندو طلبات بدك تساير وتكون دبلوماسي والبعض انتبه من تشويه سمعة وحكي قيل وقال ..
صحياً:وضعك الصحي متقلب خفف منبهات هالفترة وتقضي وقت حلو باجواء اجتماعية ..
❤غنيتك❤اليوم:ازمة ثقة .. ناصيف
توقعات برج الاسد اليوم الاحد 14 مارس 2021 ماغي فرح
الأسد ♌
مهنياً:من افضل الايام عندك بالحظ وطاقة وتواصل مع اشخاص بعيدة واتصالات كتيرة وحركة للاوراق والمعاملات وعم تحل مشاكل بالبيت وبالمال .. في شغل و عقارات وبيجيك مال من وراه وعم تتواصل مع حدا من الخارج او حوالة خارجية .. فكرة سفر بس انتبه من الحوادث والاعطال .. في دعم ومساندة ومستجدات وفرصة لنجاح وتفوق والبعض عندو قصة بتخص دراسات عليا واختبار وقصة سيارة او موبايل..
عاطفياً:تطورات وانفراج عند المرتبط والاعزب ارتباط .. في احداث وتغيرات لصالحك وبصير تواصل واتصالات وممكن لقاء حلو وعزيمة او مشوار مع الشريك بس خفف غيرة وتملك ولا دقق على كل تصرف او كلمة .. لاعزب استغل هاليوم لتبدا علاقة جديدة ..
صحياً:لا تجهد حالك وانتبه شوي من الحوادث والتهابات وخز بالصدر ..
❤غنيتك❤اليوم:احبك أكرهك .. عمر دياب.
توقعات برج العذراء اليوم الاحد 14 مارس 2021 ماغي فرح
العذراء ♍
مهنياً:عم يدور يومك بقصص اغلبها مالية بين قبض ودفع وحوالات وشي بخص ديون ومعاملات وميراث والتزامات وفواتير ولازم تنتبه من امور مشتركة حتى ماتخسر .. فرصة لتقبض مال ومبلغ بيجيك وفكر بموارد جديدة وتحسن بامور قضائية ومع الاهل وشخص غالي بيومك وممكن تنعزم او تعزم ..
عاطفياً:من الايام الحلوة لتلاقي الحب وتعمل مصالحات وتعزز علاقتك بشريك بعد توتر حاول تستغل يومك وتعمل شي حلو .. عم تلاقي حلول وكان في عناد بتتحسن امورك مع الشريك وعم يكون عندك صلحة عاطفية وعم تهدي الاجواء وعم تراجع حساباتك وهاشي افضل الك ولمستقبل علاقتك .. البعض ممكن يلتقي بشريك جديد وممكن في خطبة او زواج قريباً وترتيب وتجهيز لمنزل ..
صحياً:لا تهمل صحتك امورك افضل بس بنفس الوقت لازم تبقى متابع مع طبيب وتطمن ع وضعك كل فترة..
❤غنيتك❤اليوم:شلون انام الليل وانت على بالي.. كامل يوسف.
توقعات برج الميزان اليوم الاحد 14 مارس 2021 ماغي فرح
الميزان ♎
مهنياً:عم تشغلك امور شراكات مهنية وعاطفية ويوم لازم تكون بعيد كل البعد عن توتر والاستفزاز وتسيطر على الوضع وتبعد عن المواجهات نصيحة الك .. عم تعاني ضغوط من حولك طنش ولا ترد على حدا وتجادل يومك في عقد جديد او شراكة جديد فكر صح وحسبها منيح وحاول تستغل امورك المالية بسرعة وبيشغلك قصة عقار او سيارة وفي عزيمة ..
عاطفياً:المتزوج لا تشتغل شي من راسك وفكر كيف تشارك الشريك بلافكار واي شي بدك تعملوا ولا تخلي تفاصيل صغيرة توتر العلاقة ولا تحمل القصص اكتر مابتستاهل في حلول وراحة بشوية دبلوماسية احسبها صح مو ناقصك .. المرتبط عم تفكر بمستقبلك ومستقبل علاقتك العاطفية عم تدرس كل خطوة بوضعك ومو حابب تخسر شريك عاطفي وفرصة لتعزز شراكتك وتفتح صفحة جديدة والاعزب ارتباط ..
صحياً:عم تعاني فقدان توازن ومشاكل بلاذن والعين وصحة حدا بخصك ..
❤غنيتك❤اليوم:زعلي طول انا وياه .. فيروز
توقعات برج العقرب اليوم الاحد 14 مارس 2021 ماغي فرح
العقرب ♏
مهنياً:اخبار مهنية عاطفية وقصة مالية بتشغلك .. حاول تخلص التزاماتك بهاليوم ولا تخلي لامور تتراكم عليك ولا تتأخر او تغيب عن شغلك رتب وضعك وضب ايدك على مصاريفك وممكن بحاجة لدعم ومساندة ..
أنتبه من النقد او نقاشات طويلة وناس من ضمن شغلك عم تعرقل امورك ..غير جو هاليوم بعزيمة لتطلع من الاجواء المتعبة والمتشنجة امورك فيها تحسن تدريجي لمهم تعرف كيف تتعامل مع المواقف وسفرة قصيرة او مشوار للبعض واهتم بصحتك اكتر ..
عاطفياً:تحسن طفيف بس افضل من قبل بلاخص انو في حلول قادمة لصالحك .. بعدك مو رضيان عن كلشي بلاخص الغياب المتكرر الي عم يصير كل فترة ودائما بالك مشغول وحساسك انو في شي مفاجئ ممكن يصير .. بحاجة لحدا يقدر وضعك ويصير تقارب اكتر لتفهم سبب تغيرات والغيابات المتكررة .. اوقات واجواء حلوة اتصال طويل او تواصل عبر مواقع تواصل الاجتماعي .. الاعزب فرصة لتلتقي بحدا او شخص مقرب منك بشغل ..
صحياً:لا تعب حالك كتير هاليوم وتسبب ارهاق جسدي والبعض عم يفكر بقصة او عملية بتخص الاطفال ..
❤غنيتك❤اليوم:قلبي بحاجة يضمك .. روني كسار
توقعات برج القوس اليوم الاحد 14 مارس 2021 ماغي فرح
القوس ♐
مهنياً:تحسن مهني عاطفي واجواء مميزة وخبر حلو ..
طاقة وحظ بيومك وامورك عم تتحسن وعم تلاقي اعجاب فيك واشخاص جديدة واشخاص عم ترجعلك وقصة عم تتحسن بعد مافقدت الامل .. في حظوظ مالية او ممكن تقبض وعم تبذل جهد والحظ بساعدك بالبيت ومع اهلك او قصة ادارية وبدي باركلك قصة انجاب او مولود جديد بالعيلة .. اجواء افضل وناس بتحبن وفرصة حلوة واتصالات بتكتر وتحسن بوضعك لا تخاف ..
عاطفياً:اليوم وضعك منيح وتواصل بيكبر ومبادرات
واعتراف وشخص قديم في تواصل .. المرتبط بدي منك تستغل هاليوم قد مافيك الحظوظ داعمة الك لتصلح الوضع وتحسن علاقتك وتعيش اجواء حلوة وبلاخص اذا عندك لقاء فتوقع انو الحب رح يكون موجود واجواء تمام ومصالحة عند البعض ..
لاعزب امورك فيها تحسن وممكن البعض عم يعيش حالة عاطفية مميزة ورومنسية واتصالات طويلة وقصة عاطفية مع الاهل او محاولة للاقناع ..
صحياً:امورك صحية اليوم افضل وحابب تطلع وتغير جو وتخفف عن حالك بعض ضغوط النفسية ..
❤غنيتك❤اليوم:شدني غمرني .. ادهم نابلسي
توقعات برج الجدي اليوم الاحد 14 مارس 2021 ماغي فرح
الجدي ♑
مهنياً:مشغول بقصص بالبيت وبالعيلة وعقارات وتجهيز وتصليحات وفكرة منزل جديد او تغيير بديكور البيت وعم يدو اغلب يومك بالعيلة والمنزل ولازم تهدي مع محيطك العائلي ولا تعمل مشاكل مو ناقصك ضغوط اكتر عم يكون في مال ودفع كمان بالبيت وبالعيلة وماعم تلحق .. تنقلات ولقاءا وشخص غالي نظم امورك وممكن عزيمة بيومك ..
عاطفياً:عم يكون الوضع افضل بعد توترات في انسجام وتفاهم بلاخص الاعزب والمرتبط جديد .. لمرتبط مشاكل بالعيلة وضمن بيتك عم تأثر على علاقتك العاطفية وعندك بعض تعقيدات ومواجهات ونقاشات مع الشريك بيطلب منك تكون هادي وتنتبه تضغط على الشريك لان في حدود لا تتجاوزها ولا تكبر القصة ..
صحياً:ضيق تنفس وصداع وحساسية جلدية ريح حالك اليوم ونام منيح ..
❤غنيتك❤اليوم:ضمني على صدرك .. كاظم الساهر
توقعات برج الدلو اليوم الاحد 14 مارس 2021 ماغي فرح
الدلو ♒
مهنياً:عم تكون مميز بيوم بيعطيك طاقة ايجابية وتحسن نوعي وعم تزيد شعبيتك وعم تحقق مكسب مالي اما من بيع او شراء او حوالة وممكن تعمل شي ع سوشيل ميديا وعم تكتر الاتصالات والقاءات وتعارف جديد وفي موضوع سيارة او عقار وتصليحات وفرصة سفر او هالموضوع صار عم ياخد وقت كتير منك بس انتبه من الحوادث وقصة اخ بتشغلك ..اجواء حلوة ومواضيع عم تلاقيلا حل ممكن قضائية او ادارية او حسم اتفاق وخبر حلو ..
عاطفياً:عم تكون الاضواء مسلطة عليك بتعزز علاقتك وبتكسب اعجاب الجنس الاخر مع شوية مسايرة برغم كنت عم تعاني من علاقات المصالح والحب المتعب .. في مزاجية بتعامل وانت بحاجة لشخص يطلعك من وضعك ويكون سند .. تواصل واتصالات طويلة وصلحة وممكن شريك يتقرب منك او قديم بيتواصل معك ..
صحياً:امورك افضل وطاقتك منيحة وعزائم حاول تنبسط بيومك ..
❤غنيتك❤اليوم:شتقتلك موت وعم احلم .. عمار الديك ..
الحوت ♓
مهنياً:امور مالية بيومك بين قبض ومصاريف ونوم كتير .. يومك مدعوم بامور المال وممكن يجيك مبلغ او حوالة تسندك او تحقق مرابح من شغل او اتفاق ما .. عم ترتب بيتك المالي وعم تحسب شو الك وشو عليك بعد مصاريف بالفترة الاخيرة والبعض يمكن خسر مبلغ مالي .. يوم في قضايا وامور ادارية ومساعدة ومصاريف على عزائم او شي بخص صحة …
عاطفياً:بتحس حالك مزعوج من ولا شي لانك مو مرتاح نفسياً ومافي رضى عن شريك وكتير بحاجة للاستقرار .. في غيرة وشك انتبه له الشي وقرب وجهات نظر ولا تكبرها والبعض ينتبه من علاقاته سرية وبلاخص اذا متزوج حتى ماتأثر عليك وعلى علاقتك الزوجية أنتبه وركز منيح .. والبعض فكر بتطريقة صح لتلاقي شريك مناسب الك وتغير من وضعك ..
صحياً:تعب نفسي ولا تجهد حالك مشان قلبك ..
❤غنيتك❤اليوم:كذبك حلو .. ميادة بسيليس
